Kynningarnámskeið JCI – Kvöld 4 af 4

Kvöld 4 – Skipulagning viðburða – 12. apríl 2017

Hvort sem stefnt er að því að halda lítinn eða stóran viðburð þarf alltaf að huga að skipulagninu eigi vel til að takast. Á þessu námskeiði verður farið ofan í saumana á því sem kallað er “best practises” þegar skipuleggja á viðburð. Við munum skoða tímaferla og áætlanagerð, hvernig markmið eru skilgreind fyrir mismunandi viðburði, hvernig kynningar- og markaðsstarfi er háttað og fleiri mikilvæga þætti í ferlinu. Jafnframt munum við sjá hvernig sú þekking sem þú öðlaðist á kvöldi 2 og 3 fléttast hér inn og spilar mikilvæga rullu í undirbúningi og skipulagningu viðburða.

Eftir að námskeiðinu lýkur gefst nemendum kostur á að ganga inn í JCI. Þá er haldið partý þar sem við fögnum áfanganum (að hafa lokið námskeiðinu með glæsibrag). Partýið er opið öllum JCI félögum svo þeir sem eru á námskeiðinu geta kynnst félaginu.

Upplýsingar um hin kvöldin:
Kvöld 1 (22. mars 2017) – Kynningarkvöld
Kvöld 2 (29. mars 2017) – Árangursríkt hópastarf
Kvöld 3 (5. apríl 2017) – Skilvirkir fundir
Kvöld 4 (12. apríl 2017) – Skipulagning viðburða